Elin handaði bronsuna til Rigmor og Sarah

Tað var forsetin fyri Ítróttasamband Føroya, Elin H. Joensen, sum fekk heiðurin at handa heiðursmerkini til kvinnurnar, sum runnu skjótast sum lið í triatlon.

Og harvið handaði hon eisini bronsuna til føroysku umboðini, Rigmor Napoleonsdóttir Arge og Sarah Vallin, sum stríddu seg til eitt triðja pláss sum lið fyrrapartin.

Les: Sarah og Rigmor fingu bronsu í maraton

Handanin fór fram á ítróttarbreytini uttan á Gibraltar har tær seinastu kappingarnar í frælsum ítrótti nú eisini eru farnar í gongd.

Fyrst at royna seg vóru tær kvinnurnar, sum vóru komnar í finaluna í 4 ferðir 100 metrar. Alda S. Lamhauge, Elisabeth H. Simonsen, Margit W. Fríðmundsdóttir og Oddvør Josephsen rann væl, men høvdu ikki møguleika móti álendsku kvinnunum, sum vunnu. Føroyar endaðu á sætta plássi við tíðini 50,05 

Oddvør Josephsen rann síðsta strekkið í 4x100 metrar