Finnur Hansson nýggjur hjálparvenjari hjá kvinnulandsliðnum

Tað verður eitt kent andlit í føroysum hondbólti, sum nú tekur við starvinum sum hjálparvenjari hjá A-landsliðnum við kvinnum. Hetta skrivar Hondbóltssamband Føroya á heimasíðu sínari.

Talan er um 41-ára gamla íslendingin, Finn Hansson, sum hevur búð í Føroyum í meira enn 20 ár. Finnur hevur myndað føroyskan hondbólt í hesari øldini; bæði sum leikari í fremstu deildini, á føroyska manslandsliðnum og seinnu árini eisini sum venjari.

Finnur Hansson avloysir Julian Johansen, sum hevur virkað sum fyribils hjálparvenjari hjá Dragan Brljevic.

A-landsliðið hjá kvinnum skal spæla EM-undanundankapping á heimavølli fyrst í juni. Spælast skal móti Finnlandi og Ísrael.