Klatriveggurin tikin í nýtslu

Næmingar frá Ítróttaháskúlanum í Suðuroy hava nú tikið í nýtslu bæði stóra høga klatriveggin og tann minna boulderings-klatriveggin.

Tað skrivar Marghøllin á heimasíðu sínari í morgun.

Undirvísarar á Ítróttaháskúlanum hava gjørt tær fyrstu klatriruturnar og hava í vikuni havt skeið í klatring fyri næmingum á Ítróttaháskúlanum.

Ein týðandi partur av skeiðnum fevnir um trygd, trygd og aftur trygd, siga undirvísararnir á Ítróttaháskúlanum, skrivar Marghøllin.