Fótbóltur

Sorin takkar fyri seg á Skála

Skála flytir upp næsta kappingarár, men tað verður uttan venjaran seinasta hálvtannað árið.

Sorin Anghel (Savnsmynd: Sverri Egholm)

Sorin Anghel (Savnsmynd: Sverri Egholm)

2021-11-24 13:20 Author image
Sverri Egholm
placeholder

Skála ÍF og Sorin Anghel steðga samstarvinum. Spælararnir á besta liðnum vóru kunnaðir um hetta í gjár.

Hesum boðar felagið frá í dag.

Sorin Anghel kom til felagið á sumri í fjør tá tað gekk illa at fáa stig á kontuna.

- Saman við hinum í venjaratoyminum megnaði Sorin at lyfta leikararnar og skapa spæligleði, hóast tað vísti seg at vera ógjørligt at venda gongdini móti niðurflyting. Okkurt gott úrslit kom í hús, og fleiri ferðir var tað um reppi at vit fingu úrtøku úr dystum. Móti endanum var tað nær við, men tá saman um kom, vóru vit ov stuttir til at yvirliva í deildini, skrivar felagið.

Í 1. deild í ár hevur tað gingið væl. Serliga í fyrru hálvu av kappingarárinum, og Skála endaði árið á fyrsta plássið og spælir aftur í Betri deildini næsta ár.

Enn er nýggjur venjari ikki settur.

- Felagið arbeiðir við øðrum loysnum viðvíkjandi venjarapostinum til næsta ár, og vóna vit at hetta er komið uppá pláss skjótt, sigur Skála Ítróttarfelag.


placeholder
placeholder