Agnar Prestá
Í hesari vikuni skal A-landsliðið hjá monnum spæla tríggjar EM-undankappingardystir. Tveir av teimum verða leiktir móti Russlandi og ein móti Kekkia.
Talan er um seinnu hálvu av undankappingini hjá Føroyum. Miðskeiðis í mars vórðu tríggir dystir leiktir, har føroyingar taptu allar.
Hesaferð verður fyrst spælt á útivølli - Føroyar og Russland bresta saman í Moskva í morgin, mikudagin 28. apríl - og í vikuskiftinum fáa føroyingar vitjan. Dysturin fríggjadagin 30. apríl verður móti Kekkia, og talan er um útsettan dyst frá fyrst november 2020 og síðani januar. Sunnudagin spæla Føroyar og Russland í Høllini á Hálsi.
Hondbóltssamband Føroya lat í gjár upp fyri atgongumerkjasøluna til dystirnar móti Kekkia og Russlandi. Í mun til heimadystin móti Ukraina í farna mánaði, sleppa nógv fleiri áskoðarar inn.
Vinarliga broyt tínar kennifíla - og privatlívsstillingar fyri at síggja hetta innihald