U18-kvinnurnar spæla móti Eysturríki í morgun

Føroysku U18-kvinnurnar skulu spæla longu klokkan 9.30 í morgun. Dysturin er móti Eysturríki, og kemur at avgera, hvør verður nummar trý í innleiðandi bólkinum í HM-kappingini í Norðurmakedonia.

Tað er longu greitt, at Danmark og Portugal koma víðari í bólkinum at kappast um sjálvt heimsmeistaraheitið.

Føroyar og Eysturríki enda nummar trý og fýra í bólkinum, og skulu spæla um plássini 17 til 32 víðari í kappingini. Dysturin í dag er avgerandi fyri, hvørjum vit skulu møta í millumumfarinum.

Dystirnir kunnu stroymast á IHF Competitions á youtube