Fifa hevur í dag kunngjørt hvør í er í uppskoti til teir heiðranar sum "FIFA Best"; tað vil siga tey um altjóða fótbóltssambandi kjósar sum best í heiminum á ymiskum økjum.
Sjey ymiskir heiðarar eru at vinna, har mest fokus er á, hvør verður valdur til besta leikara hjá monnum. Har er tað merkisvert, at Lionel Messi ikki er á listanum millum teir tríggar, ið eru tilnevndir. 31-ára gamli argentinin var frálíkur fyri Barcelona í La Liga, og var høvuðsorsøkin til, at Argentina kom til HM og víðari til áttandapartsfinalurnar.
Luka Modric vann heiðurin sum besti leikairn í Evropa faran kappingarár. Kroatiski miðvallarin fekk heiðurin frammanfyri Ronaldo og Salah, ið eisini kappast við Real Madrid-leikaran hesaferð. Í fjør vann Ronaldo heitið.
Ein dani er nomineraður til heimsins besta málverja og finalupláss í HM og Champions League-heiti trý ár á rað føra við sær tilnevning til heitið sum besti venjari. Og so eru fleiri heilt framúrskarandi mál at velja ímillum til sonevnda "Puskás-heiðurin"
Sí yvirlitið yvir tey tilnenvdu niðanfyri; "The Best FIFA Football Award" verður hildið um tríggar vikur í London.
Besti leikari - Menn:
Cristiano Ronaldo (Portugal/Juventus FC, fyrrverandi Real Madrid CF)
Luka Modrić (Kroatia/Real Madrid CF)
Mohamed Salah (Egyptaland/Liverpool FC)
Besti leikari - Kvinnur:
Ada Hegerberg (Norra/Olympique Lyonnais)
Dzsenifer Marozsán (Týskland/Olympique Lyonnais)
Marta (Brasila/Orlando Pride)
Besti venjari - Menn:
Zlatko Dalić (Kroatia/kroatiska landsliðið)
Didier Deschamps (Frakland/ franska landsliðið)
Zinédine Zidane (Frakland/fyrrverandi Real Madrid CF)
Besti venjari - Kvinnur:
Reynald Pedros (Frakland/Olympique Lyonnais)
Asako Takakura (Japan/japanska landsliðið)
Sarina Wiegman (Holland/hollendska landsliðið)
Besti málverji:
Thibaut Courtois (Belgia/Real Madrid CF, fyrrverandi Chelsea FC)
Hugo Lloris (Frakland/Tottenham Hotspur FC)
Kasper Schmeichel (Denmark/Leicester City FC)
Puskás Award(Besta mál):
Gareth Bale (Real Madrid CF) – v. Liverpool FC
Denis Cheryshev (Russia) – v. Kroatia
Lazaros Christodoulopoulos (AEK FC) – v. Olympiacos FC
Giorgian De Arrascaeta (Cruzeiro) – v. América MG
Riley McGree (Newcastle Jets FC) – v. Melbourne City FC
Lionel Messi (Argentina) – v. Nigeria
Benjamin Pavard (France) – v. Argentina
Ricardo Quaresma (Portugal) – v. Iran
Cristiano Ronaldo (Real Madrid CF) – v. Juventus FC
Mohamed Salah (Liverpool FC) – v. Everton FC
Áskoðaraprísurin:
Sebastián Carrera (Deportes Puerto Montt, Kili)
Áskoðarar hjá Peru
Áskoðarar hjá Japan og Senegal
Fótbóltur
Eingin Messi í uppskoti til heimsins besta leikara hjá FIFA
Fyri fyrstu ferð í 12 ár er Lionel Messi ikki í topp trý til heiðurin sum heimsins besti leikari..
Lionel Messi er ikki millum tey tilnevndu hjá FIFA hesuferð (Mynd: EPA)
2018-09-03 18:57
Vinarliga broyt tínar kennifíla - og privatlívsstillingar fyri at síggja hetta innihald