Alda Nielsdóttir
Um vikuskiftið varð skipað fyri norðurlendskari meistarastevnu og juniormeistarastevnu í Laugardalslaug í Reykjavík, har tíggju føroyskir svimjarir luttóku - harímillum tveir parasvimjarar.
Umframt fleiri persónlig met, vórðu eisini fleiri heimsmet og føroysk met sett.
Oddvá Sedea D. Nattestad úr Havnar Svimjifelag setti trý heimsmet í ávikavist
- 50 frí fyri kvinnur S19, við tíðini 30.34
- 100 bringu fyri kvinnur S19, við tíðini 1:26.27
- 50 bringu fyri kvinnur S19, við tíðini 37.81
Lea O. Højsted úr Ægir vann bronsu við tíðini 2:30.72 í junior-finaluni í 200 bringu. Hetta var nýtt føroyskt met og juniormet.
Isak Brisenfeldt úr Havnar Svimjifelag vann gull við 1:59.01 og setti føroyskt met finaluni í 200 firvald.
Líggjas Joensen úr Ægir vann við silvur við tíðini 1:48.38 silvur í junior-finaluni í 200 frí.
Føroysku svimjararnir, sum luttóku, vóru:
Til NM 2025
- Heini Mohr Askham (2006, Ægir)
- Isak Brisenfeldt (2006, HS)
Til NJM 2025
- Fróði Hansen (2008, Ægir)
- Lea Osberg Højsted (2008, Ægir)
- Bjarta í Lágabø (2009, SuSvim)
- Líggjas Joensen (2008, Ægir)
- Silas Dam Lindberg (2008, HS)
- Bárður Ólavsson (2008, Ægir)
- Liðsvimjing dreingir (2008)
Til Para-NM 2025
- Andrias Mellemgaard (2009, HS)
- Oddvá Sedea D. Nattestad (2006, HS)
Vinarliga broyt tínar kennifíla - og privatlívsstillingar fyri at síggja hetta innihald