Føroya Ríðingarfelag byggir út

Nú er spakin settur í til arbeiðið at byggja felagshølið hjá Føroya Ríðingarfelag í Havnardali út. Tað skrivar felagið á heimasíðu síni.

Nevndin í felagnum tók tíðliga í vár avgerð um at byggja felagshúsið út við 160 fermetrum. Aðalfundurin í mars tók eisini einmælt undir við hesum.

Uni Patursson hevur teknað útbyggingina, ið er størri enn verandi felagshús, soleiðis verður talan um meira enn eina tvífalding av fermetratalinum. Sáttmáli er síðani gjørdur við byggifelagið Búsetur um at gera arbeiði sum heildarveiting.

Tað dróg eitt sindur út at fáa byggilovir og annað formelt, men beinanvegin tað kom undir land fór byggifelagið í gongd.  Metta byggitíðin er seks mánaðir, og kemur hetta sjálvandi at ávirka virksemi hjá felagnum hesa tíðina. Men tá tað er liðugt, fær felagið eitt hús, sum verður munandi betri enn verandi, serliga verður tað salurin, goymsla og vesimøguleikar, ið vera betri.

Sjúrður Holm, stjóri í Búsetri, og Brandur í Dali, formaður í Føroya Ríðingarfelag