Hondbóltur

Fronsku vertirnir og russiska bjørnin bresta saman í finaluni

Liðini leiktu byrjunardystin í EM - nú hittast tey aftur í finaluni.

Frakland og Russland dystast um EM-heiti nú seinnaparin
(Mynd: tv2.dk)

Frakland og Russland dystast um EM-heiti nú seinnaparin (Mynd: tv2.dk)

2018-12-16 13:42 Author image
Agnar Prestá
placeholder

Fyr tveimum og einari hálvari viku síðani vann Russland 26-23 í Nancy, tá Frakland og Russland opnaðu EM-endaspælið. Síðani tá hevur franska liðið ikki tapt og vann á Hollandi í hálvfinaluni. Russiska liðið tapti fyri Svøríki í millumumfarininum, men annars hevur ongin slingur verið í valsinum. Í dag bresta liðini saman í París.

Tað er lagt upp til eina spennandi finalu. Fronsku vertirnir eru lítlir favorittar, men tað verður allarhelst sera javnt í franska høvuðsstaðnum seint seinnapartin.

Russland hevur vunnið HM fýra ferðir í hesari øldini og vann OL í 2016. Hetta hevur alt verið undir leiðslu av eyðkenda venjaranum, Yevgeni Trefilov. Russland hevur tó ongantíð vunnið evropameistaraheiti. Frakland gjørdist í fjør heimsmeistari. í 2016 høvdu fronsku kvinnurnar eisini møguleikan at vinna OL, men har var Russland betri í finaluni. Spurningurin er so, hvør verður omaná í dag.

Dysturin byrjar klokkan 16.30, og kann síggjast á danska TV2. Eitt danskt dómarapar dømir dystin. 

Dysturin um triðjaplássið millum Rumenia og Holland er í gongd nú.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder