Rumensk og donsk mótstøða bíðar kvinnulandsliðnum

Føroyska kvinnulandsliðið er farið undir fyrireikingarnar til seinastu EM-undankappingardystirnar á hesum sinni.

Tað verður fyrst móti Rumenia mikudagin á Hálsi klokkan 19 og síðani leygardagin klokkan 15.10 móti Danmark í Næstved.

Liðið hevði fyrstu venjingina í kvøld og koma at vera saman næstu dagarnar.

Menninir spældu í gjár fyri fullsettari høll, tá Týskland var á vitjan í øðrum HM-playoff dystinum. Vónandi verða aftur nógv fólk í Høllini á Hálsi mikukvøldið.