Dómari úr Írlandi kemur at døma seyðahundakapping á Viðareiði

Leygardagin 24. oktober skipar Norðoya Seyðahundafelag fyri árligu seyðahundakappingini á Viðareiði.

Dómari verður tann kendi írski venjarin og dómarin Paddy Fanning, sum eisini fer at halda tvey skeið fyri føroyskum seyðahundaeigarum, skrivar Norðoya Seyðahundafelag í tíðindaskrivi.

Paddy Fanning hevur drúgvar altjóða royndir við at venja, kappast og døma seyðahundar. Vitjanin verður eitt kærkomið høvi at lyfta støðið á føroysku seyðahundunum.

Afturat sjálvari kappingini leygardagin 24. oktober á Viðareiði, fer Paddy eisini at halda tvey fáklig skeið. Meira um hetta verður at frætta seinni á Facebooksíðuni hjá Norðoya Seyðahundafelag.