Fótbóltsskýlið: Andrias Eriksen, Bárður Olsen og spennandi endaspurturin

Triðseinasta umfar í tí óvanliga spennandi landskappingini hjá monnum er á skránni sunnudagin.

25. umfar í Meistaradeildini
Sunnudagin 18. oktober
15.00: NSÍ - 07 Vestur (FM1)
15.00: KÍ - B68 (FM1)
15.00: EB/Streymur - HB 
15.00: B36 - Skála

17.15; Víkingur - AB (FM1)

Til ber at fylgja gongdini í øllum dystunum á Portalinum

Her sæst restin av dystarskránni fyri árið

Sí eisini: Allir dystirnir verða spældir sama dag í seinastu trimum umførunum

Sum støðan vísir, er einki avgjørt enn. Tó sær B68 út til at vera í so mikið trongum skóm, at eitt fótbóltsundur skal til, fyri at toftamenn tryggja sær enn eitt ár í bestu deildini.

Hinvegin líkist tað einum gysara fyri at sleppa undna hinum niðurflytingarplássinum, og avgerðin um seinasta evropeiska plássið og FM kann væl fara til seinasta leikdag.

Tosa um støðuna í dagsins Fótbóltsskýlið

Andrias Eriksen og Bárður Olsen hava roynt at staðið í støðunum.

Andrias við bæði at vinna FM, at enda á 2. plássinum og at spæla avgerandi dyst um FM og árið eftir um evropeiskt pláss á seinasta degi. Alt hetta við B36 sum miðverjin umboðaði síni vaksnamannaár.

Bárður Olsen hevur roynt at mist FM av stokkinum í seinasta umfari, at vunnið tað eftir tógvið stríð, at vunnið tað sannførandi og so hin endan: At flyta niður og at bjarga sær í so at siga evstu løtu. Hetta við EB/Streymi, HB, AB og...EB/Streymi.

Bárður Olsen stóð ofta í oddastríði ella botnstríði til tað síðsta ella harum (Mynd: Sverri Egholm)

Harvið hava teir, sum síðani hava roynt venjaraleiðina - Bárður Olsen er í løtuni venjari hjá FC Hoyvík - og verið viðmerkjarar nógv at fortelja í dagsins Fótbóltsskýlið.

Har fara teir eisini at greina støðuna við Brynjari Jacobsen Poulsen.

Lurta á FM1 klokkan 17.15 - til ber eisini at hoyra tað stutt seinni á fm1.fo og á Portalinum. Fótbóltsskýlið verður eisini endursent klokkan 14.00 sunnudagin, tá langur fótbóltsdagur er á FM1.