Jóhan ikki við til EM - í fyrstu syftu

Eins og til HM fyri einum lítlum ári síðani er Jóhan á Plógv Hansen triðja valið á høgra vongi í danska hópinum. Lasse Svan er fyrstaval, og ein annar veteranur, Hans Lindberg, er nummar tvey í røðini. Júst Lindberg gjørdist skaddur í fyrsta dystinum undir HM tíðliga í hesum árinum, og Jóhan á Plógv kom inn í hópin. 

25-ára gamli vongurin fekk eitt HM-gullheiðursmerki, og aftur hesaferð verður Bjerringbro-Silkeborg vongurin tann høgri vongurin, ið er beint uttanfyri hópin. Hetta er greitt, eftir at Nikolaj Jakobsen í vikuni hevur útttikið 19 mans av teimum 28 sum vóru í bruttohópinum.

Teir 19 skulu til Golden League í Fraklandi tíðliga í januar, har tveir venjingardystir eru á skránni, móti Noreg og Fraklandi. Ein skal síðani sáldast frá, tað verður allarhelst ein bakspælari, áðrenn hópurin fer til Svøríkis 10 januar, har EM er á skránni.

Jóhan er ein av teimum seks leikarunum, ið skal venja við í nakrar dagar millum jól og nýggjár, og hann kann verða skiftir inn í hópin, sum er krútsterkur. Danmark má metast at vera ein av stóru faovriuttunum at fara allan vegin í endaspælinum. Á øllum plássum er nógv góðska, hóast strikuleikararnir Henrik Toft Hansen og Simon Hald og vongurin Casper U. Mortensen mangla. 

Seks útskiftingar kunnu gerast í hópinum undir endaspælinum.

Danski hópurin:

Málverjar:
Niklas Landin, THW Kiel 
Jannick Green, SC Magdeburg