B71 fer suður til Stórá eftir gullinum leygardagin

Seinasta umfar í 1. deild er á skránni fríggjadagin og leygardagin.

Í morgin er botnstríðið á breddanum, har trý lið stríðast fyri at sleppa undan 9. plássinum. Leygardagin spæla bestu liðini hjá B71, FC Suðuroy, ÍF og TB -  eingin teirra hevur veruliga nakað at spæla fyri

Skráin:

Støðan:

B71 hevur ikki endaliga gullið í hús, men tað er bert í ástøðinum: Trý stig og 28 mál eru niður til næstbesta liðið hjá Víkingi, sum hevur havt enn eitt flott ár. 

Harvið verður tað reinur B71-fagnaður í Trongisvági leygardagin, nú felagið kann hátíðarhalda fyrsta 1. deildargullið í 20 ár. Skipað er fyri fjepparatúri, nú sandingar fara til Stóra eftir steypinum og eftir at staðfesta eitt flott ár. Uppflytingin kom longu í hús síðst í august.

Myndir: B71 millum tey bestu aftur (Vit hava eisini myndir úr Trongisvági leygardagin)

FC Suðuroy flytir uppaftur eftir stuttan steðg í 1. deild. Hetta kom uppá pláss 13. september - liðið úr sunnaru hálvu av Suðuroynni endar við bronsuni.

Í botninum er stórur spenningur undan 27. og seinasta umfari. Næstbesta liðið hjá EB/Streymi endar langt aftast, men so er tað 9. plássi. HB er á tí í løtuni men er bert eitt stig aftanfyri FC Hoyvík og NSÍ og hevur betri málúrttøku.

Teir næstbestu hjá NSÍ hava á pappírinum truplasta dystin av teimum trimum - Vìking - meðan FC Hoyvík hevur lættastu uppgávuna: Niðurflutta EB/Streym. HB spælir grannauppgerð móti B36. Allir hesir dystirnir byrjar klokkan 18 í morgin, og til ber at fylgja gongdini ovast á Roysni-síðuni.