Agnar Prestá
1. umfar í Champions League hjá monnum fyri 2026/2027 er spælt í vikuni. Skipanin er øðrvísi nú: Seks bólkar við fýra liðum, har tvey lið koma víðari úr hvørjum.
Mikukvøldið spældi Skanderborg AGF í Champions League á fyrsta sinni. Jóhan á Plógv Hansan og hinir silvurvinnararnir í donsku deildini síðsta kappingarár høvdu kanska størst gjørligu uppgávuna: Í Palau Braugrana móti verandi Champions League-vinnarunum.
Ikki óvæntað vann Barcelona greitt: 39-28. Jóhan á Plógv Hansen hevði tíggju skot í dystinum og skoraði fimm mál.
Hæddarpunkt síggjast her:
Hjá Fücshe Berlin varð føroyskur høgri vongur spardur. Italski Leo Prantner fekk møguleikan, og tók av við sjey málum, tá týska liðið livdi upp til leiklutin sum stórfavorittur í Kroatia: 44-33
GOG tapti 43-33 í Portugal. Danska liðið megnaði ikki at standa ímóti Costa-brøðurnum - skoraði samanlagt tjúgu mál - og í steðginum var munurin longu átta mál.
Óli Mittún skoraði átta mál uppá tíggju skot og var GOG-toppskjútti í Lissabon. Harumframt legði føroyingurin upp til fýra mál og stóð seg væl, hóast stórtap.
Til ber at síggja upplegg mál, umframt brent skot, hjá Óla ovast ella her
Næsta umfar í bólkaspælinum er í næstu viku
Vinarliga broyt tínar kennifíla - og privatlívsstillingar fyri at síggja hetta innihald