Silja avloysir Rakul

Rakul var ikki við hjá Ringkøbing í bestu donsku deildini leygardagin, og hon er ikki við á túrinum til Luksemborg, har Føroyar spæla EM-undankappingardyst mikukvøldið. 20-ára gamla havnarkvinnan verður tó møguliga við til heimadystin móti Luksemborg sunnudagin, skrivar hsf.fo.

Landsliðsvenjararnir hava ístaðin úttikið Silju Arngrímsdóttir Müller úr Neistanum til málverjutoymið. Silja er 20 ára gomul og hevur nógvar ungdómslandsdystir í skjáttuni.

Silja var eisini partur av A-landsliðshópinum, sum møtti Svøríki í fyrsta dystinum í hesari EM-undankappingini.

Føroyski hópurin móti Luksemborg mikudagin sær sostatt soleiðis út:

Annika Fríðheim Petersen, Follo HK (NOR)

Silja Arngrímsdóttir Müller, Neistin

Rannvá Olsen, VÍF

Anna Elisabeth Halsdóttir Weyhe, H71

Hervør Niclasen, Neistin

Inga Maria Roysdóttir, Kyndil

Lív Sveinbjørnsdóttir Poulsen, TMS Ringsted (DEN)

Brynja Symphor Høj, Neistin

Bjarta Osberg Johansen, Kyndil

Pernille Brandenborg, København Håndbold (DEN)

Bjørk Franksdóttir Joensen, Neistin

Elsa Egholm, H71

Maria Pálsdóttir Nólsoy, Neistin

Súna Krossteig Hansen, Ajax København (DEN)

Jana Mittún, Viborg HK (DEN)

Natasja Hammer, StÍF

Føroyar møta Luksemborg mikudagin kl. 17.45 á útivølli og á heimavølli, í Høllini á Hálsi, sunnudagin kl. 17.00. Dystirnir eru ógvuliga týdningarmiklir, í mun til stríðið um 3. plássið.

Atgongumerki til heimadystin fáast til keyps á atgongumerki.fo.