Kappróður

Tindur fingið nýggjan venjara fyri komandi róðrarár

Um vikuskiftið skrivaði Kappróðrarfelagið Tindur undir sáttmála við John Reid Ziska Jacobsen sum nýggjan venjara fyri róðrarárið 2022.

John Høgnesen frá kappróðrarfelagnum Tindur og John Reid Ziska Jacobsen, nýggi venjarin (Mynd: Eysturkommuna)

John Høgnesen frá kappróðrarfelagnum Tindur og John Reid Ziska Jacobsen, nýggi venjarin (Mynd: Eysturkommuna)

2021-12-20 11:00 Author image
Alda Nielsdóttir
placeholder

Leygardag seinnapart skrivaði Kappróðrarfelagið Tindur undir sáttmála við John Reid Ziska Jacobsen sum nýggjan venjara fyri róðrarárið 2022.

Í hesum sambandi var ein hugnaløta uttanfyri Báta – og listasavnið, har Tindur bjóðaði kaffi og okkurt søtt afturvið.

Nógvir rógvarar møttu til tiltakið í Tinda-klæðum, og høvi varð eisini at royna venjingarklæðini til komandi kappingarár, sum verða bíløgd skjótast tilber, skrivar Eysturkommuna.

– Tindur fegnast um vaksandi talið av rógvarum og manningum. Í dag eru um 100 limir og 9 manningar, og vónar felagið at fáa onkra manning afturat millum teir eldru rógvararnar.

– Eitt mál, sum nýsetti venjarin, saman við rógvarunum, fara at leggja seg eftir hjá øllum manningunum í felagnum komandi kappingarár, er at leggja seg eftir góðum úrslitum og einum góðum áralagi, skrivar felagið.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder