Tvey ár síðani hann seinast smakkaði sær á

Á vetri í 2020 drakk fótbóltsspælarin Jóannes Bjartalíð hvønn dag. Tað hevur hann áður greitt frá í Kringvarpinum.

Men Fredrikstad-spælarin kann í dag fegnast um avgerðina at fara til avvenjingar. Tað ger hann á Instagram.

- Í dag eru tað heili tvey ár síðan eg fór til avvenjingar aftur. Tvey ár síðan eg seinast smakkaði mær á, skrivar Jóannes Bjartalíð.

Í fjør gjørdist greitt, at Jóannes Bjartalíð gavst at spæla í barndómsfelagnum KÍ, og fór uttanlands at spæla fótbólt. Valið fall á norska felagið Fredrikstad í næstbestu deildini, har venjari hansara í KÍ, eisini var farin til.

Jóannes Bjartalíð og Fredrikstad tryggjaðu sær í ár uppflyting í bestu deildina í Noreg, og klaksvíkingurin var eisini kosin ársins leikari í næstbestu deildini.

- Eg havi ongantíð havt tað betur enn tað sama. So absolutt ein av teimum fáu góðu avgerðinum man tekur, skrivar Jóannes Bjartalíð.

Vis dette opslag på Instagram

Et opslag delt af Jóannes Bjartalíð (@joannesbjartalid)