Ælabogalitir í fótbólti skilir partarnar

Málið um ælabogalitt liðskiparaband og sveittiband hjá dómara, hevur seinasta samdøgrið elvt til nógv kjak. Orsøkin er, at FSF hevur sent limafeløgunum boð um, at tað ikki verður góðtikið at bera slík bond.

Síðani hevur Fótbóltssambandið boðað frá, at starvsnevndin fer at taka spurningin upp til viðgerðar.

Á Portalinum hevur atkvøðugreiðsla um hendan spurningin ligið úti síðani klokkan hálvgun ellivu, og nú klokkan er farin av 16, eru tað fleiri enn 6500 brúkarar sum hava atkvøtt. Og greitt er, at spurningurin skilir vøtnini.

Uppá spurningin “Heldur tú, at fótbóltsspælarar skulu sleppa at brúka ælabogalitir á vøllinum” svara 47 prosent ja, meðan 48 prosent svara nei. Fimm prosent siga seg ikki vita.