Afturelding javnaði í føroyingahálvfinalunum í Íslandi

Verjuparturin hjá Afturelding var sterkur í gjár, tá liðið í Mosfellsbær vann greitt á Vali og harvið svaraði aftur.

Valsmenn vunnu eftir longda leiktíð í fyrstu hálvfinaluni, og tá gjørdi Bjarni í Selvindi av álvara bart.

Skálamaðurin spældi aftur væl í gjár, tá hann skeyt átta mál - talan var um níggju í fyrstu hálvfinaluni - men Valur skoraði bert 23 ferðir.

Sveinur Olafsson hevur sín leiklut í verjuni hjá Afturelding. Føroyski liðfelagin Hallur Arason skeyt eitt mál í 31-23 sigrinum. Allan Norðberg skoraði tvey mál í gjár.

Triðja hálvfinalan millum føroyingafeløgini, sum stríðast um finalupláss í Íslandi, verður flaggdagin, fríggjadagin 25. apríl. Fyrsta liðið at vinna tríggjar hálvfinalur kemur víðari.

Hálvfinalurøðin millum Val (Allan Norðberg og Bjarna í Selvindi) og Afturelding (Hall Arason og Svein Olafsson)

1. hálvfinala: 17. apríl: Valur – Afturelding 35:33 eftir longda leiktíð (29:29 eftir vanliga leiktíð)
2. hálvfinala: Í gjár, 22. apríl: Afturelding – Valur 31:23 (16:10)

1-1 í dystum nú - spælt verður fyrst upp í tríggjar

3. hálvfinala: Fríggjakvøldið 25. apríl: Valur – Afturelding
4. hálvfinala: 28. apríl: Afturelding – Valur

Møgulig 5. hálvfinala: 2. maí: Valur – Afturelding