Agnar Prestá
Liverpool og Manchester City eru í gongd við eitt ógvuliga tætt meistaraheitsstríð, og oddadystur verður í Premier League sunnudagin, tá Klopp og hansara menn vitja í Manchester.
Áðrenn hendan stórdystin skulu Liverpool og City hava eyguni vend ímóti fyrru fjórðingsfinalunum í Champions League.
Liverpool spælir í kvøld í Lissabon, har Benfica tekur ímóti. Liverpool er risafavorittur at spæla seg víðari móti liðnum, sum liggur nummar trý í Portugal. Um Benfica, ið sló Ajax út í síðsta umfari, skal gera sær nakra vón, er neyðugt við góðum úrsliti á Estádio da Luz í kvøld.
Teir høvdu hvør sín stíl sum miðvallarar á hægsta stigi, og tað er eyðsæð, hvussu teir í dag vilja hava síni lið. Pep Guardiola og Diego Simeone hava verið høvuðsvenjarar á hægsta stigi í langa tíð og hava fingið úrslit á ymsan hátt.
Í kvøld taka katalanin og hansara frálíka Manchester City móti argentinanum og Atletico Madrid. City jagstrar sítt fyrsta Champions League-heiti. Tað ger Atletico, ið var í finaluni í 2014 og aftur í 2016, eisini. Í áttandapartsfinaluni sigraði Atletico í júst Manchester og sendi harvið næstbesta liðið úr enska stórbýnum út.
Champions League fjórðingsfinalur (fyrru)
Týsdagin 05.04
20.00: Manchester City - Atletico Madrid
Benfica - Liverpool
Vinarliga broyt tínar kennifíla - og privatlívsstillingar fyri at síggja hetta innihald