Badminton: Føroyingar góð úrslit í Odense

Um vikuskiftið hava 20 føroyskir badmintonleikarar luttikið í kapping í Odense, og fingu teir sera góð úrslit, skrivar Badmintonsamband Føroya.

Ranja Joensen og Oddbjørg í Buð Justinussen gjørdu bart í tvímansleiki og vunnu gull í A-rekkjuni. Tær spældu ein sera góðan dyst. Tær taptu fysta sett 25-23, men so lótu tær ongan iva vera um, hvør var best og vunnu tvey tey næstu settini 21-14 og 21-16.

Í M-rekkjuni gekk eisini sera væl. Miriam í Grótinum kom í fjórðinsfinaluna í einmansleiki. Rúni Øster og Magnus Dal-Christiansen og Sanna og Mia Thorkildshøj komu somuleiðis í fjórðingsfinaluna í tvímansleiki. Eisini komu Miriam í Grótinum og Bjarnhild í Buð Justinussen í hálvfinaluna í tvímansleiki, sum tær taptu 2-1. Rúni Øster og Miriam í Grótinum komu eisini í hálvfinaluna í blandaðum tvímansleiki, sum tey taptu 2-0.

Tað bleiv til eitt gull- og tvey bronsuheiðursmerki.

Við á ferðini vóru hesi

• Landsliðsvenjari Fai Yin Wong
  
• Ferðaleiðarar Fríðgerð Rasmussen og Elsa Thorkildshøj
  

Leikarar

• Asbjørn Heide Olsen
  
• Bjarnhild í Buð Justinussen
  
• Eyð Lamhauge Debess
  
• Hákun Thorkildshøj Sigvardsen
  
• Jafet Rasmussen
  
• Jónas Djurhuus
  
• Julianna í Heiðunum
  
• Leiki Dal-Christiansen
  
• Magnus Dal-Christiansen
  
• Markus Bjarnason
  
• Mia Thorkildshøj
  
• Miriam í Grótinum
  
• Oddbjørg í Buð Justinussen
  
• Ranja Joensen
  
• Rúni Øster
  
• Sanna Thorkildshøj
  
• Tóki Yngvason Guttesen
  
• Símun Thorkildshøj Sigvardsen
  
• Beinir Weihe
  
• Kristoffur Samuelsen