Badminton: Miriam og Rúni føroyameistarar í einmansleiki

Eftir badmintonfinalurnar í einmansleiki á Kontrast FM leygardagin endaði Miriam í Grótinum fimta árið á ra ovast á skamlinum hjá kvinnum.

Tað gjørdi hon við at vinna finaluna trygt á Miu Thorkildshøj í tveimum settum, 21-12, 21-14. Tær báðar umboðaðu Havnar Badmintonfelag.

Bronsuna vunnu Sanna Thorkildshøj úr HBF og Ranja Joensen úr KBF.

Einmansleikur - kvinnur (Mynd: Badmintonsamband Føroya)

Hjá monnum endurvann Rúni Øster føroyameistaraheitið, tá hann rættuliga trygt vann finaluna á Christian Berg Petersen í tveimum settum.

Bronsuna vunnu Markus Bjarnason og Jafet Rasmussen, sum taptu hálvfinalurnar ímóti ávíkavist Christian og Rúna.

Allir heiðursmerkjavinnararnir eru úr Havnar Badmintonfelag, skrivar Badmintonsamband Føroya.