Birita Clementsen og Símun Lassaberg føroyameistarar í bridge

Sum heitið ber boð er kappingin ætlað pørum mann og kvinnu. Sum liður í at fáa fleiri nýggjar bridgespælarar at luttaka, var harumframt ein roynd gjørd við at royndir bridgespælarar kundu luttaka saman við spælarum, ið ikki hava spælt longri enn 4 ár.

10 pør luttóku í kappingini og leikt vóru 9 umfør á 5 spøl og sostatt 45 spøl í alt.

Fyrstu 3 umførini leikaði lutfallsliga javnt á og vóru einans 7 stig á muni millum trý tey fremstu pørini, har ávikavist Valborg Rasmussen & Jón Rasmussen og Maria V. Hansen & Marner Joensen lógu í oddinum. Sum kappingin leið gjørdu eisini onnur pør seg galdandi, eitt nú Eva Sarita Berg & Jákup Sørensen og Birita Clementsen & Símun Lassaberg.

Tá kappingin leið móti endanum myndaðu Birita Clementsen & Símun Lassaberg og Maria V. Hansen & Marner Joensen oddin, meðan Eva Sarita Berg & Jákup Sørensen og Henriette Svenstrup & Oddmar Danielsen dystaðust um triðja plássið. Endaliga úrslitið gjørdist at Birita Clementsen & Símun Lassaberg vunnu kapingina við 217 stigum meðan Maria V. Hansen & Marner Joensen vunnu sær annað plássið við 208,8 stigum. Triðjaplássið vunnu Henriette Svenstrup & Oddmar Danielsen sær við 195,5 stigum.

Endaliga úrslitið gjørdist hetta:

1. Birita Clementsen - Símun Lassaberg 217,0 stig

2. Maria V. Hansen - Marner Joensen 208,8 stig

3. Henriette Svenstrup - Oddmar Danielsen 195,5 stig

4. Eva Sarita Berg - Jákup Sørensen 190,5 stig

5. Tordis Johannessen - Danny Danielsen 186,5 stig

6. Haldor Ellingsgaard - Benadicta S. Ellingsgaard 185,5 stig

7. Valborg Rasmussen - Jón Rasmussen 174,0 stig

8. Birita R. Sivertsen - Eli H. Andreassen 157,8 stig

9. Mortan S. Thomsen - Marita Samseon 147,3 stig

10. Jórun Johannesen - Oluf Müller 141,3 stig

Maria V. Hansen og Marner Joensen endaði á 2. plássi 

Henriette Svenstrup og Oddmar Danielsen endaðu á 3. plássi 

Komandi kappingin er fyrsta umfar í FM kappingini fyri lið, sum verður leikt í Bridgehúsinum í Gundadali sunnudagin 28. septembur 2025.