Bjarta: Løgið og rørandi at standa her fyri seinastu ferð

Seinastu mongu árini, hevur hon nærum verið árligur gestur í steypafinaluni. Í fjør skaraði snildi strikuspælarin burturúr sum toppskjútti og tann besta á vøllinum, tá Kyndil við Tjarnir basti Neistanum.

Í kvøld var tað VÍF og Neistan, tað gekk útiyvir, tá Bjarta Johansen og Kyndil vísti styrki. Nummar 7 hjá Kyndli skaraði aftur framúr í miðverjuni og skoraði sítt av strikuni - hetta hóast ein fingur fór úr lið.

- Tað er ikki so gott, men ein skaði er ein skaði. Tað gongur nokk.

32-ára gamla stríðskvinnan hevur nú spælt sína steypafinalu, og er hetta sorgblítt og rørandi, staðfestir Bjarta, meðan hon hevur aðru dóttrina hjá sær.

Sí eisini: Landsliðskempurnar: Saman í menningini og í ógvuliga ymiskum støðum

Bjarta Johansen er tó bara takksom fyri, at hon hevur spælt so mikið nógvar steypafinalur, og so fegnast landsliðskempan um, at allar taka ábyrgd í dag.

- Tað er so stuttligt at síggja tær ungu í dag eisini...vit snøgt sagt seta VÍF uppá pláss.

Hoyr samrøðu ovast

-----------------------------

Faxe Kondi Steypafinalan hjá kvinnum 2026
VÍF - Kyndil 26-29 (9-13)

Dystargongdin:
5 min: 3-2
10 min: 4-6
15 min: 4-9
20 min: 6-10
25 min: 7-12
30 min: 9-13
35 min: 11-16
40 min: 14-19
45 min: 17-24
50 min: 20-25
55 min: 22-28
60 min: 26-29

Toppskjúttar: 
Turið Arge Samuelsen 8 mál,
Ingibjørg Olsen 7 mál, Fríða Nolsøe Olsen 7 mál

Bjargingar:
VíF: Ida Mai Nielsen 7

Kyndil:
Gylta á Neystabø 13
Tomma Petersen 2

Sí eisini: Kyndil steypavinnari triðja árið á rað