Eirikur við til HM-kapping í Avstralia

Eitt av smáu ítróttasambondunum í Føroyum, Poolsamband Føroya, fegnast nú um, at ein føroyskur leikari nú skal luttaka í stórari altjóða kapping.

Talan er um Eirik Mikkelsen, sum fer at umboða Føroyar á komandi WPA Champion of Champions kappingini, sum verður hildin í Brisbane í Avstralia, frá 17. til 21. september. Hann skal spæla sín fyrsta dyst í kappingini klokkan 6 í morginári, okkara tíð.

Eirik er hægst styrkismetti føroyski landsliðsleikarin. Hann er farin til Avstralia saman við venjara sínum, Shehan Andrew Wanniya Bandara. WPA Champion of Champions kappingin verður í kinesisku greinini av 8-ball, ið kallast Heyball.

Omaná hetta, fegnast dartsambandið eisini um, at tveir føroyskir dómarar, Tito César Quezada og Shehan Andrew Wanniya Bandara, eru valdir at døma í European Championships Seniors Ladies, sum verður hildin í Assen, Niðurlondum, frá 29. september til 9. oktober í ár.

Hetta er bert møguligt, av tí at Poolsambandið skipaði fyri altjóða dómaraskeiði í januar, har heili átta fingu prógv, sum altjóða dómarar fyri evropeiska poolsambandið. Hetta aðru ferð, at føroyskir dómarar fáa heiðurin at døma á einum stórum evropeiskum tiltakið, eftir at Shehan Andrew Wanniya Bandara dømdi evropameistaraheitini fyrr í ár, í Estlandi.

Nú, ein leikari er á veg til eina heimsmeistarakapping í Avstralia og við tveimum dómarum á veg til Niðurlond, eru vit errin at umboða Føroyar á altjóða pallinum og gleða okkum at vísa okkara ítróttarførleikar og anda.