Agnar Prestá
23-ára gamli Elias Ellefsen Skipagøtu hevur longu avrikað nógv á sínari hondbóltsleið, og nú hevur hoyvíkingurin skrivað ein part afturat í føroysku hondbóltssøguni.
Frálíku avrikini hjá føroyska spælskiparanum í Bundesliguni í september høvdu við sær, at hann varð valdur sum tann besti av øllum í deildini fyri seinasta mánaða. Tað er fyrstu ferð, at ein føroyingur vinnur ein slíkan persónligan heiður í heimsins sterkastu hondbóltsdeild.
Nærum 40 prosent av atkvøðunum
Eftir 43 mál, 8.6 í miðal, 16 upplegg - harav fleiri ógvuliga flott - og hægsta "Handball Performance Index (HP1) talið samanlagt við 90, var eingin ivi: Elias Ellefsen á Skipagøtu gjørdi nakað serstakt í september.
- Um tað var við ótrúligum málum ella gandakendum uppleggum, so bar á Skipagøtu lið hansara gjøgnum September við frálíkum avrikum, skrivar daikin-hbl.de
THW Kiel vann allar sínar fimm dystir í mánaðinum, og nummar 71 hevur stóra ábrgd av perfektu byrjanini hjá oddaliðnum.
Elias á Skipagtu hevur nú fingið viðurkenning fyri hetta. Eftir at atkvøðugreiðslan endaði var greitt, at føroyingurin hevði fingið nakað fleiri atkvøður enn íslendingurin á 2. plássinum.
Úrslitini - 7 spælarar vórðu tilnevndir:
Heimasíðan hjá Bundesliguni skrivar, at atkvøður hjá "fólkinum" - fjepparum - telur fyri 50 prosent, meðan atkvøður frá venjarum og liðformonnum í Bundesliguni telur fyri hin helmingin.
Í atkvøðunum frá áskoðarum var Elias Ellefsen á Skipagøtu stutt frammanfyri Omar Inga Magnussen, meðan føroyska landsliðstjørnan fekk yvir helmingin av atkvøðunum frá venjarum og liðformonnum.
Sí fimm minuttir av hæddarpunktum hjá Eliasi Ellefsen á Skipagøtu frá september her:
Vinarliga broyt tínar kennifíla - og privatlívsstillingar fyri at síggja hetta innihald