Enn eitt føroyskt gull: Miriam feldi grønlendsku drotningina

31-ára gamla Sara Lindskov verður skýrd sum "grønlendska drotningin" í badminton. 

Hon basti eisini sterku Sannu Thorkildshøj í finaluni í liðkappingini í vikuni og Miriam í Grótinum í hálvfinalunum á Oyggjaleikunum í 2023.

Men hesaferð skuldi tað vera øðrvísi: Hesaferð skuldi ein føroyingur á sannførandi hátt sigra á Saru Lindskov.

Hetta tyktiskt í øllum førum vera hugburðurin hjá Miriam í Grótinum í dag, tá hon so at siga hølvaði grøndlensku mótstøðuna av í einstaklingafinaluni.

Tað var meira javnt í setti eitt enn tvey, men Miriam, ið er tíggju ár yngri, fekk Saru  at renna og jagstra, samstundis sum sløg Miriams vóru sannførandi.

Miriam kann fegnast saman við fjepparum úr Føroyum eftir flotta finalusigurin (Skíggjamynd)

Í 2. setti var munurin heili níggju stig, og harvið vunnu Føroyar gull í báðum einstaklinga-finalunum. Rúni Øster sigraði eisini á grønlendskari mótstøðu fyrrapartin.

Sí eisini: Rúni Øster vann gullið eftir gysara

Oyggjaleika-finalan fyri einstaklingar, kvinnur
Miriam í Grótinum (Føroyar) - Sara Lindskov (Grønland) 2-0
21-15, 21-15

Um eina løtu fara Rúni, Miriam og hini eftir fleiri gullheiðursmerkjum: Finalurnar í tvímansleiki vera eftir døgurða. Fyrst eru tað Rúni Øster og Magnus Dal-Christiansen í tvímansleiki hjá monnum.

Til ber at síggja tað her