Ingi Samuelsen
Um vikuskiftið verður Fimleikafagnaðin 2025, har evnið í ár er “Vón”.
Hetta verður ein heilt serlig, ljósfylt og rørandi uppliving í Norðurlandahúsinum, har heili 400 fimleikarar frá øllum landinum fara at framføra teirra tulking av Vón við rørslum, ljósi, tónleiki og hugflogi.
Fimleikafagnaðurin er annaðhvørt ár, og savnar øll fimleikafeløgini í Føroyum til eina felags hátíðarløtu, har fimleikurin verður fagnaður. Í ár luttaka: Fimleikafelagið Flog, Fimleikafelagið Ljósið, Fimleikafelagið Støkk og Klaksvíkar Fimleikafelag.
Eitt fjølbroytt dómaratoymi úr ymiskum listarligum umhvørvum, umframt umboð frá feløgunum, velur vinnaran.
Í alt eru tríggjar sýningar, ein leygardagin 8.november og tvær sunnudagin 9.november.
Vinnarin verður avdúkaður til seinastu sýningina sunnudagin. Henda sýningin sunnudagin klokkan kl.16 verður eisini stroymd á www.fimleikur.fo , skrivar Føroya Fimleikasamband.
Vinarliga broyt tínar kennifíla - og privatlívsstillingar fyri at síggja hetta innihald