Agnar Prestá
Nakrir av føroysku ítróttarútisetunum hava áhugaverdar uppgávur í kvøld. Her eru tríggjar útvaldar - allir hesir dystirnir síggjast á Viaplay við haldi.
17.45: Kielce - Füchse Berlin, 3. umfar í Champions League-bólkaspælinum
Hákun West av Teigum
Í gjár spældi Óli Mittún væl í Norðurmakedónia, tá GOG fekk síni fyrstu stig í bólkaspælinum.
Füchse hevur fult stigatal og skal í dag royna at byggja á í trupla útidystinum móti Kielcel. Hákun West av Teigum og teir koppaðu júst pólska stórfelagnum í fjør og ein sigur í kvøld gevur betri fyritreytir til at enda í topp-tvey í bólkaspælinum. Føroyski høgri vongurin hevur higartil spælt ógvuliga væl í stóru kappingini.
Sí eisini: Hákun West av Teigum er nærum lýtaleysur í Champions League
18.00: THW Kiel - Minden, 6. umfar í Bundesliguni
Elias Ellefsen á Skipagøtu og Kiel skulu byggja á frálíku byrjanina, og oddaliðið í Bundesliguni eigur eisini at basa Minden á heimavølli. Føroyski spælskiparin er næstbesti toppskjútti í allari kappingini og fer helst aftur at undirhalda í kvøld.
Sí eisini: Hetta er ótrútligt: Øll 14 málini hjá Óla Mittún
18.00: Kolding IF - FC Nordsjælland, 1/16-finalurnar í Oddset Pokalen
Í kvøld skulu Meinhard Egilsson Olsen og Kolding royna at senda Superliga-liðið úr steypakappingini. Kolding hevur tapt tveir teir seinastu dystirnar 1-0. Føroyski landsliðsspælarin er fastur og týðandi spælari hjá Kolding, sum roynir at bjóða av í oddastríðnum í næstbestu deildini. FC Nordsjælland liggur nummar 6 í fremstu donsku deildini.
Vinarliga broyt tínar kennifíla - og privatlívsstillingar fyri at síggja hetta innihald