Myndir: Føroysku fljóðini fagnað av fjepparum í FOH

Tá føroysku kvinnurnar á landsliðnum høvdu fingið sær eitt uppiborið bað eftir sigurin á Paraguai í dag, gjørdu tær ikki mætari enn at koma inn á matstovuna FOH – Front of House – sum hevur verið basin hjá føroysku fjepparunum.

Til taktfastar lógvabrestir komu tær ein og ein inn á matstovuna, stillaðu seg í hálvringring, og so skrúvaði DJ Wenzel upp fyri tónleikinum og genturnar sungu við til “Sigursferðina” hjá Benjamin Rajani.

Ein serlig kensla.

Hetta er seinasta ferðin, at flestu av fjepparunum her í hølinum síggja kvinnurnar á hesum sinni, tí nógv teirra hava ferðaseðil heimaftur í morgin, og koma ikki við til Dortmund.