Føroyskur ferðadagur: Endastøðin er Portugal og EM-pláss

Eftir dystin við Tjarnir mikukvøldið, hava tær á føroyska hondbóltslandsliðnum havt restutiónsvenjing, verið á skúlavitjan í skúlanum við Løgmannabreyt í Hoyvík og annars løtt battaríni.

Langur ferðadagur er í dag, har føroyski hópurin savnast í Vágum stutt eftir klokkan sjey - og ikki kemur uppá pláss á gistingarhúsinum í Porto fyrrenn umleið klokkan 18.

Fyrst verður flogið til Kastrup og síðani víðari til norðara part av Portugal. Har skulu kvinnurnar venja í kvøld og sunnudagin kýta seg av øllum alvi fyri at royna at røkka plássinum í EM, sum er á skránni í desember.

Eftir sigurin í Føroyum er greitt, at við tveimum stigum afturat í seinna dystinum eru Føroyar so gott sum í einum EM-endaspæli aftur - hetta tí at Portugal í so fall ikki kann fáa føroyingar aftur.

Meira seinni 

Maria Pálsdóttir Nólsoy hevði eina ógvuliga góða løtu eftir steðgin, men ov nógv mistøk og snild portugisisk verja gjørdu, at flog ikki veruliga kom á føroyska spælið (Mynd: Sverri Egholm)

EM-undankapping, bólkur 4

Støðan í bólkinum eftir trý umfør
1. Montenegro 4 stig
2. Føroyar 4 stig
----------------------
3. Portugal 2 stig
4. Ísland 2 stig

Sunnudagin 5. mars - 4. av seks umførum:
17.00: 
Montenegro - Ísland
Portugal - Føroyar

Topp-tvey koma í øllum førum til EM-endaspælið í desember. Mest sannlikt kemur trý'arin úr hesum bólkinum eisini víðari, tí liðini í so stóran mun taka stig hvør frá øðrum.

Portalurin og FM1 vera við á ferðini til Portugal og hava ymiskt tilfar til tykkum næstu dagarnar