Hondbóltur

Framtíðarstjørnur kappast í Føroyum fyrst í juni

Nordic Open er nýggj ungdómskapping, sum Hondbóltssamband Føroya skipar fyri. U17-dreingirnir hjá Føroyum taka í Runavík og við Tjarnir móti Týsklandi, Sveis og Íslandi.

Boas Ellefsen á Skipagøtu, yngri beiggi Elias og Róa Ellefsen á Skipagøtu, í U16-dysti móti Íslandi í Kollafirði í fjør. Um ein mánaða skal evnaríki bakspælarin millum annað royna seg móti Íslandi aftur (Mynd: Hondbóltssamband Føroya/Andrei Antal)

Boas Ellefsen á Skipagøtu, yngri beiggi Elias og Róa Ellefsen á Skipagøtu, í U16-dysti móti Íslandi í Kollafirði í fjør. Um ein mánaða skal evnaríki bakspælarin millum annað royna seg móti Íslandi aftur (Mynd: Hondbóltssamband Føroya/Andrei Antal)

2025-05-08 15:42 Author image
Agnar Prestá
placeholder

Vikuskiftið 6. – 8. juni verður stórsligin ungdómskapping í hondbólti fyri U17-dreingir í Føroyum. Talan er um nýggja kapping, í ár fyri aldursbólk 2008 og 2009, sum Hondbóltssamband Føroya skipar fyri.

Ætlanin er, at talan skal verða um eina afturvendandi kapping, sum annaðhvørt ár verður fyri U16-gentur og U17-dreingir.

Talan verður um hondbóltstjóðir av ovastu rók, sum vitja í ár – Týskland, Sveis og Ísland. Leikt verður í Runavík fríggjadag, og leygar- og sunnudag Við Tjarnir.

Dystarskráin sær soleiðis út:

Fríggjadagin 6. juni í Bylgjuni í Runavík
Kl. 18 Sveis – Týskland
Kl. 20 Føroyar – Ísland

Leygardagin 7. juni Við Tjarnir
kl. 16 Sveis – Ísland
kl. 18 Føroyar – Týskland

Sunnudagin 8. juni Við Tjarnir
kl. 10 Týskland – Ísland
kl. 16 Føroyar – Sveis
placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder