Agnar Prestá
Týsdagin 10. februar vórðu fyrstu Bundesliga-dystirnir í yvir seks vikur spældir.
Hannover-Burgdorf var eitt av fyrstu liðunum í dysti eftir EM-steðgin. Vilhelm Poulsen hevði í stóran mun verjuleiklut í dystinum, sum hansara lið avgjørdi í síðstu sekundunum: Marian Michalczik skoraði til 30-29 móti Erlangen
Tað var eisini bert eitt mál á muni, tá THW Kiel vann dramatiskan útidyst í Mannheim. Fá sekund vóru eftir, tá Elias Ellefsen á Skipagøtu legði trýst á frá høgra bakki og spældi til Eric Johansson. Sviin høgdi til mitt fyri, og so var 28-27 sum varð endaliga úrslitið.
Elias spældi á júst høgra bakki móti endanum og gjørdi mun. Føroyingurin skoraði næst- og triðseinasta málið í dystinum. Samanlagt fýra mál og tvey skrásett upplegg frá nummar 71, harav fleiri móti endanum, í týðandi sigrinum á Rhein-Neckar Löwen.
Kiel er á 4. plássi - tvey stig aftanfyri Fücshe Berlin, sum er nummar tvey og hevur spælt ein dyst fleri.
Hákun og Füchse vunnu sum væntað greitt á botnliðnum Wetzlar í gjár (41-27). Føroyski vongurin spældi ikki allan dystin - hann skeyt eitt mál.
Harvið vunnu øll føroyingaliðini í fyrsta umfarinum í 2026. Spælt verður aftur um vikuskifti - millum annað stórdystur millum Kiel og Magdeburg sunnukvøldið.
Vinarliga broyt tínar kennifíla - og privatlívsstillingar fyri at síggja hetta innihald