Hákun á evropeiska vikuliðunum

Hann var lýtaleysur í dystinum við Tjarnir sunnudagin - fimm mál uppá fimm skot umframt tvey upplegg - og hóast hann brendi nøkur skot í Kosovo, so varð Hákun West av Teigum greiður toppskjútti við 11 málum. 

Sí eisini: Hákun var greiður toppskjútti og skoraði fleiri týðandi mál

Harvið skoraði 23-ára gamli høgri vongurin samanlagt 16 mál í vikuni, tá Føroyar við tveimum sigrum tryggjaðu sær fyrsta plássið í EM-undankappingarbólkinum og góða støðu til lutakastið.

Sí eisini: Føroyar standa við góðum kortum

Hetta fór ikki framvið borðinum hjá evropeisku hondbóltssamgonguni, sum hevur kjósað Hákun West av Teigum sum besta høgra vong í undankappingini í síðstu viku - fyri tvey tey seinastu undanumførini.

Vikuliðið. Rutger ten Velde, ið vit kenna frá dystunum móti Niðurlondum er hin vongurin, meðan franska stjørnan Melvyn Richardson er besti spælari (Mynd: EHF Euro)