Agnar Prestá
Ódnartøk eru av, og í morgin, leygardagin 31. mai, verður tann fyrsti barna- og FM-róðurin í 2025 rógvin. Sum vant verður hetta á Norðoyastevnu.
Júst Klaksvík hevur verið ein kappróðrarháborg í nógv ár, og sum heild er stórur spenningur.
Samanlagt 97 bátsmanningar skulu kappast. 9 FM-róðrar eru og fýra barnaróðrar. Harav eru tvær hálvfinalur hjá gentum og ein finala.
Tað er júst hjá gentum og ungum kvinnum, at størsti áhugin er. Størstu FM-róðrarnir eru 5 mannafør gentur (14-16 ár) og 6-mannafør menn. Har eru ellivu bátsmanningar í hvørjari.
Hjá 6-mannaførum við kvinnum eru bert Jarnbardur og Hósvíkingur við. Annars er áhugin stórur.
Til ber at síggja startrøðina HER
rsf.fo hevur eisini yvirlit yvir, hvør rør við hvørjum báti, hvør stýrur og er hvør er á hvørjum plássi í bátinum. Hetta sæst HER
Vinarliga broyt tínar kennifíla - og privatlívsstillingar fyri at síggja hetta innihald