Hondbóltur

Hoyvíkskvinnur hava spennandi evropeiskt vikuskifti fyri framman

Spæla báðar dystirnar móti niðurlendska Fortes Venlo í Hoyvíkshøllini - klokkan 19 bæði fríggjakvøldið og leygarkvøldið.

Sára Berg á Lag og hinar í svørtum og reyðum skulu royna at spæla seg víðari í Hoyvík um vikuskiftið (Mynd: Sverri Egholm)

Sára Berg á Lag og hinar í svørtum og reyðum skulu royna at spæla seg víðari í Hoyvík um vikuskiftið (Mynd: Sverri Egholm)

2025-09-24 16:32 Author image
Agnar Prestá
placeholder

Seinastu árini hevur H71 spælt í European Cup, bæði hjá monnum og kvinnum. Í 2022 komu hoyvíkskvinnur allan vegin til fjórðingsfinalurnar, men har gjørdi krígsstøðan í Ukraina og órættvísi hjá EHF, at H71 tapti fyrra dystin á pappírinum (0-10).

Eisini í 2025/2026 verður farið eftir evropeiska ævintýrinum, og fríggjadagin og leygardagin verður altjóða hondbóltur aftur í Hoyvíkshøllini.

[object Object]

H71-kvinnurnar trektu niðurlendska Cabooter Fortes Venlo í 2. umfari av European Cup, og fekk samrátt seg til, at báðir dystirnir skulu spælast í Føroyum. Samanlagdi vinnarin fer víðari til 3. umfar.

Sambært Hondbóltssambandi Føroya er talan er um tvey lið, sum hava á leið somu royndir og úrslit at vísa á í evropeiskum hondbólti, so talan kann blíva um tveir javnbjóðis dystir.

European Cup er triðsterkasta evropeiska kappingin.


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder