Íslendski venjarin: - Dómarin tók sigurin frá okkum

Katowice, Pólland (Portalurin): - Tað var øðilig veipan við ørmum, málagreipan, eiður og annað, sum dómararnir úr Uruguay - og eisini nakrir føroyskir spælarar fingu yvir seg móti og eftir dystarenda í gjár.

Hetta var í sambandi við 35-35 gysaran í 2. umfari í HM-bólkaspælinum.

Sí eisini:  Føroyar bjargaðu einum týðandi stigi við brotskasti í seinasta sekundi

Hoyr og les: Var vísur í at Óli fór at skora

Íslendsku spælararnir og serliga venjaratoymið vóru í luftuni í sambandi við, at Føroyar fingu brotskast og javnaði, sum tíðin fór.

- Tað var føroyingurin, sum rann á Össur á miðjum vølli. Tað er einki í reglunum, sum sigur, at hetta er reytt kort og brotsspark, og eins og dómararnir dma.

Hetta segði ein sintur og vónbrotin Einar Andri Einarsson í viðtalu við íslendsku hondbóltssíðuna handbolti.is í gjárkvøkdið.

Hann helt, at Óli Mittún gjørdi brotið - ein álopsfeil. Og forrestin so vóru tað ikki íslendingar, sum gjørdu álopsfeil nkur sekund frammanundan, tá Ísland kundi avgjørt dystin í álopinum; heldur átti tað at verið fríkast dømt til Birki Snæ Steinsson.

- Niðurstøðan er eitt vónbrot, og tað vóru ógvuliga dýr stig sum vit mistu (...) eg fari at loyva mær at siga, at sigurin varð tikin frá okkum, sigur íslendski venjarin.

Íslendingar og føroyingar vóru hálvgum í roki nakrar ferðir - oftast vóru Rókur Ziskason og Ísak Vedelsbøl íblandaðir. Íslendingar royndu at erta føroysku miðverjarnar og fáa teir vístar út; teir vóru ikki bangnir fyri at muta ímóti (Mynd: IHF/Koletktiff)

Í greinini á handbolti.is ber til at síggja støðurnar og "døma  sjálvur
IHF hevur eisini avgerandi støðurnar á sínum Facebook- og Instragram-síðum.

Einar Andri Einarsson viðgongur eisini, at føroyingar spældu væl. 

- Teir góvu okkum nógvar avbjóðingar við 7 móti 6 spælinum, og tað var serliga strævið at spæla móti Óla Mittún. Tað eydnast tó væl at taka hann burturýr.

Úrslitið í gjár merkir, at Ísland hevur tørv á hjálp frá Rumenia í morgin. Um Føroyar fáa stig, so er Ísland úti av HM; ella skal spæla President's Cup sum er "taparaendaspælið".

Les meira um støðuna í bólkinum her: Føroyar hava elt í egnum hondum í bólkinum

--------------------------------------------------------

U21 HM 2025 - bólkur F, 2. umfar
Mikudagin 18. juni, Arena Katowice
Føroyar - Ísland 35-35 (21-19)

13.00: Norðurmakedónia - Rumenia

Støðan
1. Føroyar 3 stig
2. Rumenia 2 stig *
3. Ísland 1 stig
4. Norðurmakedónia 0 stig*

* Ein dyst færri

Tvey lið koma víðari úr bólkinum til meginumfarið

Dystargongdin
5 min: 4-4
10 min: 8-7
15 min: 13-10
20 min: 16-13
25 min: 19-15
30 min: 21-19
35 min: 23-22
40 min: 27-24
45 min: 29-27
50 min: 32-29
55 min: 32-32
60 min: 35-35

Føroysku málskjúttarnir:
Óli Mittún 11 (4)
Ísak Vedelsbøl 10 (3)
Trúgvi Hávardsson 4
Høgni Heinason 4
Høgni Højsted 2
Rókur Ziskason 1
Óla Jákup Gaard Olsen 1
Búi Poulsen 1
Rói Hjaltason Seyer 1

Bjargingar:
Aleksandar “Sasha” Lačok: 3
Torstein Sivertsen: 3