Fótbóltur

KÍ varpaði HB úr meistarastríðnum

Klaksvíkingar komu til Havnar og sigraðu. KÍ vann 2-1 á Tórsvølli, og Víkingur vann ruddiliga í Runavík 3-1.

2022-06-25 19:30 Author image
Sverri Egholm
placeholder

Meðan fyrstu konsertirnar vóru á Voxbotn, var ein týðandi dystur í oddinum í Betri deildini leiktur í Gundadali.

Klaksvíkingar vóru á vitjan á Tórsvølli, og tað eru eisini teir, sum fara glaðir norð aftur.

Altíð vandamikli Árni Frederiksberg skoraði bæði málini hjá KÍ beint fyri hálvleik, í 44. minutti. Stutt inn í seinna hálvleik økti KÍ til 2-0, og setti seg á dystin.

Tá ein góður tími var leiktur, minkaði Adrian Rúnason Justinussen um munin fyri HB til 2-1.

Fleiri mál komu ikki, og KÍ vann 2-1 móti HB og hevur sostatt krøkt havnarmenn av í FM-stríðnum. KÍ hevur vunnið seg upp á 40 stig, og HB hevur 25 stig. 

Tað er enn ikki heilt sloppið hjá klaksvíkingum. Víkingur var á vitjan hjá runavíkingum við Løkin í kvøld og vann ruddiliga 3-1. Tískil eru enn seks stig á muni millum nummar eitt og tvey í deildini.

Úrslit

HB - KÍ 1-2 (0-1)
44’ Árni Frederiksberg 0-1
50’ Árni Frederiksberg 0-2
61’ Adrian Rúnason Justinsusen 2-1

NSÍ - Víkingur 1-3 (0-2)
17’ Sølvi Vatnhamar 0-1
38’ Gunnar Vatnhamar 0-2
88’ Sølvi Vatnhamar 0-3
90’ Beinir Nolsøe 1-3

EB/Streymur - Skála 1-0 (1-0)
5’ Jóhann Joensen 1-0

AB - B68 0-3 (0-0)
65’ Mohamed Samba
79’ Sebastian Lau Nielsen
84’ Sebastian Lau Nielsen

Í morgin
07 Vestur - B36 (Í morgin kl. 15:00)

Støðan Betri deildin menn

1. KÍ 40 stig
2. Víkingur 34 stig
3. HB 25 stig
4. EB/Streymur 20 stig
5. B36 19 stig
6. AB 16 stig
7. NSÍ 15 stig
8. 07 Vestur 12 stig
9. B68 11 stig
10. Skála 5 stig


placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder