Fótbóltur

Lars Olsen: Vit hava ikki verið góðir nokk

Landsliðsvenjarin viðurkendi støðuna á tíðindafundinum, og legði dent á at føroyska liðið skuldi og vildi enda væl nú.

Lars Olsen á tíðindafundi á Malta (Mynd: Sverri Egholm)

Lars Olsen á tíðindafundi á Malta (Mynd: Sverri Egholm)

2018-11-19 17:16 Author image
Agnar Prestá
placeholder

Ta' Qali, Malta (Portalurin) - Undan venjingini á Ta' Qali leikvøllinum hevði føroyska liðið tíðindafund. Lars Olsen nevndi fyrst skuffandi tapið í Aserbadjan, longu ferðina til Malta, venjingina i gjár og at allir vóru tøkir. Hann vildi tó ikki avdúka nógv viðvíkjandi uppstilling og møguligar broytingar.

- René er við aftur og byrjar. Annars verður liðið kunngjørt umleið kl. 13 í morgin; eftir at leikararnir hava fingið boð um tað.

Tað vóru fá maltesisk tíðindafólk. Tann eini nevndi, at Føroyar ikki høvdu møguleika at spæla seg víðari nú. Landsliðsvenjarin segði, at í summum dystum í Nations League hevur avrikið ikki veri nøktandi, og úrslitið er hareftir.

[object Object]Lars Olsen hevði René Shaki Joensen og Hall Hansson við sær á tíðindafundin (Mynd: Sverri Egholm)

[object Object]Nakað av tíðindafólkum var møtt upp (Mynd: Sverri Egholm)

Um Malta segði Lars, at 0-5 tapið hjá teimum her móti Kosovo var eitt heldur misvísandi útslit, um hugt verður eftir dystinum.

Hallur Hansson var við á tíðindafundinum. Hann segði, at tað als ikki var gott nokk í Aserbadjan, men kundi ikki heilt greiða frá hví.

René Shaki var eisini við. Hann fekk ongan spurning, men vit tosaðu við hann aftaná.

Hoyr samrøðuna við hann her

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder