Málini hjá Briani hava stórt virði

Hann kom úr barndómsfelagnum Skála í vetur. 27-ára gamli Brian Jakobsen spældi fast frá byrjan fyrstu tíðina, men síðani hava skaðar og hørð kapping á fremstu plássini lagt áleyparanum meinbogar í vegin.

Brian byrjaði væl í B36. Hann skoraði fimm mál fyrstu átta dystirnar í lands- og steypakapping. Rundanum summarsteðgin spældi Brian Jakobsen lítið og var ikki tøkur í summum dystum.

Sambært Faroe Soccer hevur Brian spælt 15 dystir og beint yvir 1000 minuttir í Betrideildini. Tilsamans hevur hann bert spælt tríggjar fullar dystir, men hansara fimm mál hava øll verið beinleiðis avgerandi fyri B36-sigri.


Stigini vísa á, hvussu nógv stig málini hjá Briani hava givið B36

2. umfar: EB - Streymur - B36 1-2
Brian 2 mál (til 0-1 og 0-2) = 3 stig

4. umfar: B36 - HB 2-1 
Brian 1 mál (til 2-0) = 2 stig 

10. umfar: Skála - B36 1-2
Brian 1 mál (til 1-2) = 2 stig

20. umfar: AB - B36 1-2
Brian 1 mál (til 1-2) = 2 stig

- Talan er um beinleiðis ávirkan av málinum: Til dømis hevði tað uttan málini í 2-1 sigrunum hevði tað endað við javnleiki; t.v.s íhesum trimum dystunum hevði tað verið 1 stig á kontoini ístaðin fyri. Tað ber ikki heilt til at siga, hvussu dysturin á Eiði og grannauppgerðin høvdu ment seg uttan 2-0 málini hjá Briani, men hyggja vit bert eftir tí, sum avger fótbóltsdystir: Mál

Harvið hevði B36 á pappírinum havt 9 stig færri og ligið á 5. plássi uttan málini hjá Brian Jakobsen, ið sunnudagin á Argjum gjørdi sum hann gjørdi í fyrsta dystinum sum útileikari á Skála: Gjørdist matchvinnari við 2-1 máli í 2. hálvleiki. 

Í fótbóltskjaknum hjá Krinvarpinum mánadagin varð komið inná, at B36 hevur skorað væl færri máli enn NSÍ og HB (16 færri) og nøkur færri enn KÍ og Vìkingur (16) í ár, men at málini hava meira virði, tí liðið spældi nógvar tættar dystir og megnar allaroftast at fáa stig burturúr teimum 

Støðan í oddinum:

Tøl: FaroeSoccer