Málleyst og ónøgd í Varsjava

Varsjava, Pólland (Portalurin) - Jóan Símun Edmundsson hevur havt stútara á mál eftir gott innlegg frá Sølva Vatnhamar, og Jóannes Bjartalíð var millimetrar frá at snilt dribla seg í góða skot støðu í pólska brotsteignum. Føroyar hava fingið hótt vertirnar í nøkrum støðum og sum heild gjørt tað trupult fyri teir fyrstu 45 minuttirnar.

Vandamikli Robert Lewandowski hevur fingið lítið pláss, og Mattias Lamhauge hevur avgreitt allar sínar uppgávur í føroyska málinum væl. Nakrar ferðir hava Føroyar givið ov nógv pláss og kontrastøður, men ananars tykist liðið hjá Håkani Ericson at hava havt gott tamarhald á dystinum.

Málleyst og nógv "buh" frá stóru áskoðarafjøldini nú póllendingar ikki hava liva upp til vónirnar fyri steðgin. Føroyska liðið skal hugsavna seg um framvegis at gera arbeiði rætt. 


Eini 50.00 fólk men lítil stuðul til heimaliðið (Mynd: Sverri Egholm)


Gunnar Vatnhamar hevur verið í mangum nærdysti á miðvøllinum  (Mynd: Sverri Egholm)

EM-undankappingarbólkur E
Hósdagin 7. september
19.45: Pólland - Føroyar (0-0)

Føroyar: 5-4-1 (3-4-3): Mattias Lamhauge - Gilli Rólantsson Sørensen, Hørður Askham, Odmar Færø, Sonni Ragnar Nattestad, Viljormur Davidsen (L ) - Sølvi Vatnhamar, René Shaki Joensen, Gunnar Vatnhamar, Jóannes Bjartalíð, Jóan Símun Edmundsson

(Kekkia - Albania)

Støðan: 
Kekkia 7 stig 
Albania 6 stig
Moldova 5 stig *
Pólland 3 stig
Føroyar 1 stig

* Moldova hevur spælt ein dyst fleiri: Fýra dystir - hini hava spælt tríggjar