Móttøka fyri evropameistara í Vági

Hann hevur fyrr gjørt um seg í svimjing, og nú er hann evropameistari í inniróðri í bólkinum Masters 30-39 ár á 2.000 metrum.

Dánjal Martin Hofgaard fekk eisini eitt silvurheiðursmerki í Prag. Tað var á 500 metrum í opnu kappingini.

Les eisini: Fýra føroysk gull til EM í inniróðri

Í kvøld, fríggjakvøldið 17. januar klokkan 18.30, verður vágbingurin heiraður í heimbygdini. 

Dánjal Martin Hofgaard 

Vágs kommuna skipar saman við Vágs Kappróðrarfelag fyri móttøkuni fyri evropameistaranum í inniróðri, Dánjal Martin Hofgaard. Móttøkan verður í nýggja kappróðrarneystinum á havnarlagnum í Vági - tað er pakkhúsið uttanfyri havnaskrivstovuna.