Óli Mittún javnsettur toppskjútti í fyrsta kappingardystinum í Danmark

Tað er stórur spenningur á Fjóni og í Hondbóltsdanmark, nú eitt av heimsins størstu talentum skal spæla fast á danskari jørð.

Óli Mittún hevur víst seg væl fram upp til kappingarbyrjan, og í gjár, mánakvøldið 25. august, fekk mest virðismikli spælarin til U21 HM fyrstu almennu minuttirnar fyri GOG.

Hesar nýtti hann væl, tá Óli og lið hansara vunnu 33-25 í steypadysti móti HC Midtjylland og spældu seg víðari til næsta umfar í Santander CUp

Óli Mittún skjeyt sjey av málunum í væntaða og trygga sigrinum. Harvið gjørdist hoyvíkingurin javnsettur toppskjútti við Frederik Bjerre.

Ein góð byrjan - sunnudagin 30. august snýr tað seg um 1. umfar í landskappingini. Tá tekur Skjern, ið sendi GOG úr DM-stríðnum síðsta kappingarár, ímóti.