Oyggjaleikaflaggið kemur við til Føroya

Tað er ikki nakað Oyggjaleikasteyp, men um tað var, so høvdu Føroyar fingið hetta handað til endahátíðina á Kirkwall.

Føroyski oyggjaleikahópurin hevur samanlagt 95 heiðursmerki við sær til Føroya. Hetta er tað mesta nakrantíð hjá Føroyar, og tað staðfestir eitt flott avrik seinastu vikuna.

Sí eisini: Besta úrsliti higartil: Føroyar vunnu oyggjaleikirnar

Nógv hava gjørt bart, og 41 gullheiðursmerki eru heili ellivu fleiri enn oyggin á 2. pláss: Jersey (30 gull)   

Sí eisini: Fimleikurin vann 13 heiðursmerki á seinasta degnum og 15 gull samanlagt

Tvey ár eru til næstu Oyggjaleikirnir, men føroyingar skulu skjótt hyggja fram ímóti teimum - í mun til tað fyrisitingarliga og praktiskar fyrireikingar er tað langt síðani farið í gongd.

Føroyar skulu jú, fyri fyrstu ferð síðani 1989, hýsa leikunum. 14 ítróttargreinar og fleiri túsund gestir verða at síggja í juli 2027.

Sum eitt "súmbol" fyri hesum fingu føroyingar serstaka Oyggjaleikaflaggið við av Orknoyggjunum. Tað varð handað til endahátiðina fríggjakvøldið, og formaðurin í føroysku oyggjaleikanevndini, Teitur Samuelsen, fekk tað í hendurnar.

Sí stutt innslag frá hesum á heimasíðuni hjá Kringvarpinum