Agnar Prestá
Füchse Berlin er annað árið í rað í Final Four í Champions League. Hetta er greitt eftir stóra dramatikkin í týska høvuðsstaðnum í seinnu fjórðingsfinaluni, sum var í gjár.
Har var liðið hjá Hákuni West av Teigum leingi á veg móti samanløgdum sigurin. Men móti endanum var toppskjúttin og heimsins besti spælari, Mathias Gidsel, við at blaka alt á gólvið.
Alt endaði tó við, at Gidsel kundi avgera úr sjey metrum. Í brotskastskappingini brendi Hákun West av Teigum sítt skot, men annars skoraði føroyski høgri vongurin bæði síni skot í gjár og øll fimm samanlagt í fjórðingsfinaluuppgerðini.
Hæddarpunkt frá dramatiska dystinum mikukvøldið síggjast omanfyri. Millum annað eitt flott mál hjá føroyska høgra vonginum í byrjanini (0.15): Lobb við einari skrúu í mótálopi
Misnýtta brotskastið hjá Hákuni, sum tíbetur ikki kostaði, og øll brotskastskappingin sæst niðanfyri:
Final Four verður spælt mitt í juni. Aalborg og Barcelona hava eisini spælt seg í Champions League-hálvfinalurnar. Væntað verður at Magdeburg ger arbeiðið liðugt í morgin í seinastu fjórðingsfinaluni
Vinarliga broyt tínar kennifíla - og privatlívsstillingar fyri at síggja hetta innihald