Steypafinalistarnir skulu aftur í eldin í Betrideildini

Leygarkvøldið vann HB fult uppiborið 3-1 á Víkingi í finaluni um løgmanssteypið. HB’arar kundu stórfegnast í mjørkanum á Tórsvølli um sín fyrsta steypasigur í 15 ár.

Hann tryggjaði eisini liðnum hjá Heimir Guðjónsson eitt evropeiskt pláss til komandi ár. Føroyameistararnir skulu harvið ikki hugsa um hetta seinastu fýra dystirnar, men royna at striðast til tað seinasta fyri at endurvinna FM-heitið.

Trý stig skulu til á Eiði í kvøld, so at HB kann fara inn til grannauppgerðina sunnudagin við FM-dreyminum livandi. At EB/Streymur fyri stuttum vann í Fuglafirði, og tað, at tað gerst meira og meira sannlikt, at 07 Vestur ikki flytir upp, hevur við sær at EB/Streymur helst ikki kemur í trupulleikar.

(Savnsmynd: Sverri Egholm)

Víkingur skal reisa seg. Tað skal liðið gera skjótt og væl, um teir ljósabláu skulu gera sær nakrar vónir um at fáa 3. plássið og koma út í Evropa aftur næsta ár. Víkingur hevur gott tak á Skála, ið fullkomiliga er í ongamannaland.

Mikudagin 25. september (23. umfar)
EB/Streymur - HB (19.00)
Skála - Víkingur (19.00)

Stigatalvan í Betri deildini
1. B36 (56 stig) 23 dystir
2. KÍ (54 stig) 23 dystir
3. NSÍ (51 stig) 23 dystir
4. HB (44 stig) 22 dystir
5. Víkingur (42 stig) 22 dystir
6. Skála (25 stig) 22 dystir
7. TB (19 stig) 23 dystir
8. AB (15 stig) 23 dystir
9. EB/Streymur (12 stig) 22 dystir
10. ÍF (6 stig) 23 dystir

Úrslit frá 23. umfari

22. september

AB - KÍ 0-2 (0-2)
1' Boris Dosljak 0-1
17' Patrik Johannesen 0-2