Stór upphiting undan heimadystinum móti Norðurmakedónia

Í teimum kátu Berlin-døgunum í kuldanum í januar savnaðust túsundtals føroyingar um hondbóltsmenninar. Sum upphiting til teir tríggjar EM-dystirnar hjá Føroyum skipaðu fleiri stórstuðlar fyri stórum upphitingartiltaki í týska høvuðsstaðnum.

Har var millum annað andlitsmáling og heilt gott lag. Føroyskir tónleikarar settu sín dám á. 

Nú verður hendan uppskriftin endurnýtt. Hetta skrivar berlin.fo á serstøku heimasíðuni.

Tað eru Føroya Banki, Wenzel, Effo og Atlantic Airways, ið skipa fyri upphiting í OY áðrenn týðandi dystin móti Norðurmakedónia, mikudagin 8. mai.

Eins og í Berlin, fara Eyðun & Terja og RSP at hita upp við tónleiki á pallinum og faa lív í fjøldina. 

Eyðun og Terji á pallinum og túsundtals glaðir og spentir føroyingar í Kreuzberg í Berlin. Í næstu viku verður upphiting tætt við høllina á Hálsi, nú Føroyar aftur royna at spæla seg til eitt endaspæl (Myndir: Sverri Egholm)