Suðuroy og Sandoy, tjekk

Tað gongur framá hjá Jákup Petur Eliassen og Ken Bærentsen, sum eru í holt við at súkkla til nærum allar bygdir í Føroyum upp á 48 tímar. Tað vil siga allar bygdir har vegur førir til.

Suðuroy og Sandoy eru avgreiddar, og nú skal súkklast á vestaru síðu av Streymoynni, og súkklað verður eitt nú til Syðradals, Norðradals, Skæling, Kvívík og Vestmanna.

Eftir ætlan verður endað í Gásadali um midnáttarleitið.

Aftur í morgin verður súkklað, og byrjað verður í Fugloynni og endað verður mikumorgunin á Vaglinum.

--

Súkklað verður millum annað fyri at seta fokus á Eydnudeildina, og tað arbeiðið tey gera. Til ber at stuðla við at flyta pening á kontu: 9865-3135467.